Жаздың соңғы күнінде «Амангелді» өндірістік кооперативінің балықшылары салмағы 118 келі болатын қортпа балығын аулады. Қазіргі уақытта ол Жайық Атырау бекіре зауытына тапсырылды. Балықтың жасы мен жынысы анықталуда.
Естеріңізге салсақ, биылғы 1 наурызда Жайық-Атырау бекіре өсіру зауытының қызметкерлері Жайық сағасынан салмағы 148 келі, ұзындығы 2,2 метр болатын уылдырықты қортпа балығын аулаған еді. Ал сәуір айында мамандар одан табиғи жолмен 22 келі уылдырық алды. Тұқымды уылдырықтарды құрт болғанға дейін инкубациялау үшін «Осетр» аппаратына орналастырды. Жазда жасанды тоғандарда өсірілген шабақтар Жайыққа жіберіледі.
Зульфия ИСКАЛИЕВА
Атырау облыстық коммуникациялар қызметі ұсынған суреттер мен бейнежазба