Атырау, 24 маусым 22:13
Түнде ашық+25, таңертең +36
ҚР Ұлттық банкінің валюта бағамы: $ 377.18  € 426.14  P 5.98

ТШО Украинаға газ жеткізуді жалғастырады

10 маусым 16:18


Осы аптада 1 маусымнан бастап Украинаға қарсы Ресей санкциясының күшіне енуіне байланысты туындаған үзілістен кейін ТШО осы елге сұйытылған газ жеткізуді жалғастырады.

Бұл туралы халықаралық Аргус Медиа тәуелсіз баға агенттігі хабарлады. Сайтта көрсетілгендей, маусым мен шілде айларына ресейлік тараптан барлық қажетті мақұлдау құжаттары алынған. Оның үстіне, украиндық трейдерлер 6 маусымда ТШО-ның таяу күндері «Ресей темір жолымен» (РТЖ) бірқатар мәселелерді келісіп алғаннан кейін жүк жөнелтуге кірісетіні туралы хабар алғандарын мәлімдеп, бұл ақпаратты растады.

Трейдерлердің хабарлауынша, «Теңізшевройл» өткен аптаның аяғында украиндық клиенттерге маусым айына жаңартылған жүк тасымалдау жоспарын жолдаған.

Олардың деректеріне сәйкес, маусым айында ТШО Украинаға 20 мың тонна газ жөнелтеді, бұл мамыр айымен салыстырғанда 20%-ға аз.

Сұйытылған газды жөнелту РТЖ Қазақстаннан Украинаға транзиттік тасымалдауды мақұлдаудан бас тартқаннан кейін 24 мамырда тоқтатылды. РФ премьер-министрі Дмитрий Медведевтің 18 сәуірде қол қойған №460-25 қаулысына сәйкес, 1 маусымнан бастап өнімді Украина нарығына жөнелту үшін РФ Экономикалық даму министрлігінің рұқсаты қажет.

Мамырдың аяғында бұл құжатты «Роснефть» пен «Лукойл» компаниясы алған. Трейдерлердің ақпараты бойынша, ТШО-ға да осы ведомствоның рұқсаты қажет болған.

Дайындаған Нұргүл ХАЙРУЛЛИНА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

395 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4