Атырау, 25 мамыр 12:32
Кешке ашық+20, түнде +19
ҚР Ұлттық банкінің валюта бағамы: $ 378.01  € 420.88  P 5.84

Билетсіз жолаушылар және ескірген төсек-орын

3 мамыр 10:18


Қызылорда облысы бойынша Мемлекеттік қызмет істері және сыбайлас жемқорлыққа қарсы іс-қимыл агенттігі департаментінің қызметкерлері рейд барысында мұнайлы астанада жасақталатын №41 «Алматы-Атырау» пойызының вагондары жарты жылдан бері техникалық тексеруден өтпегенін, ал №16 және 17-вагондарда 2017 жылдан бері төсек-орын жабдығының жаңартылмағанын анықтады. Ал ол әр 6 ай сайын жаңартылуы тиіс.

- Бұдан басқа 6 вагонда дәретхана қағазы мен сабын, ауыз су жоқ, - деп хабарлады Қызылорда облысы бойынша агенттік департаментінің баспасөз қызметінде. Айта кету керек, өткен жылдың күзінде "АЖ" тілшісі осы пойызбен сапарлатып, ескірген төсек-орын жабдығына назар аударған болатын.

Ал бірер апта бұрын «Жолаушылар тасымалы» АҚ «Батыс» өңірлік филиалының қызметкерлері осы пойыздан жолсерікке жол жүру ақысын төлеген 12 жолаушыны анықтады.

- Осыдан бір жыл бұрын компанияда билетсіз жолаушылар мен рәсімделмеген жүктерді тасымалдауға байланысты заңға қайшы әрекет жасаған қызметкерлерге «мүлдем төзбеушілік» саясаты енгізілді. Осы кезең ішінде пойыз бригадаларының 100-ден астам қызметкерлері, соның ішінде, пойыз басшылары жұмыстан шығарылды, - деп хабарлады «Жолаушылар тасымалы» АҚ баспасөз қызметі.

Фархат ӘБІЛОВ

Суретті түсірген автор

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1906 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4 5 6 7