В Атырау 0 
Баспасөз қызметінің мәліметінше, кездесу Қазақстан және Сауд Арабиясы Мемлекет басшылары арасындағы Эр-Риядта 2016 жылдың 24-25 қазанындағы қол жеткізілген уағдаластықтар аясында болған.
"Кездесу барысында «Біріккен химиялық компания» ЖШС және «SABIC» компаниялары арасында екі жақты Ынтымақтастық туралы меморандумға қол қойылды", - делінген баспасөз хабарламасында.
Көрсетілген құжат Қазақстандағы полиэтилен, полипропилен және метанол өндіру бойынша жобалардың іске асырылу мүмкіндіктерін зерделеуде негіз қалаушы болып табылады. Меморандумға «Біріккен химиялық компания» ЖШС-ның Басқарма төрағасы Жеңіс Өсербай және «SABIC» компаниясының Бас директоры Юсеф Аль-Беньян қол қойды.
"Меморандумға қол қою мұнай-газ саласындағы ынтымақтастықты нығайтудың жақсы үлгісі болып табылады. «SABIC» компаниясының тәжірибесі әлемдік үрдісті ескере отырып, мұнай-химия жобаларын іске асырудың тиімді моделін дайындауға көмектесетіндігіне сенім мол", - дейді Қазақстан Республикасы Энергетика министрі Қ. Бозымбаев .
Көрсетілген жобаларды Атырау облысындағы мұнай-химия аймағында іске асыру жоспарлануда. Осы аумақта салықтық, кеден және басқа да жеңілдіктер көздейтін арнайы құқықтық режим қарастырылған.
Айта кетейік, "SABIC" (Saudi Basic Industries Corporation) – химия және металлургия өнеркәсібінде мамандандырылған жария акционерлік компаниясы. Әлемнің ірі мұнай-химия компанияларының бестігіне кіреді.
Дереккөз: qazaqtimes.com