В Атырау 0 
Қазақстан парламентінің жоғарғы палатасы - сенаттың 16 депутатын сайлауға 52 үміткер тіркелді.
Орталық сайлау комиссиясының хабарлауынша, 16 депутаттық мандатқа 89 үміткер ұсынылып, оның 52-сі тіркеуден өткен. Тіркелген үміткерлердің 47-сі - ер, бесеуі - әйел. Үміткерлердің төртеуі - сенаттың қазіргі депутаттары, үшеуі - мәслихат депутаттары, 11-і - мемлекеттік қызметкерлер, 15-і - мемлекеттік ұйымдардың, кәсіпорындар мен мекемелердің қызметкерлері.
Ресми мәлімет бойынша, тіркеу барысында 17 үміткер өз өтініші бойынша тіркеуден алынған, 13 үміткер табысы мен мүлкі туралы дұрыс мәлімет бергендіктен, 7 үміткер қажетті құжаттарын өткізбегендіктен тіркелмеген.
Сенат депутаттарын сайлауға үгіт-насихат жұмыстары 8 маусыда басталған. Үгіт-насихат 27 маусым күні аяқталады.
Сайлау сенат депутаттарының конституция бойынша белгіленген өкілеттіктерінің аяқталуына байланысты өткізілмек.
Сенатта 47 депутат бар. Оның 15-ін президент тағайындайды. Ал қалған 32-сін облыстық және Алматы мен Астана қалаларының мәслихат депутаттары сайлайды.
Сенат депутаттарының өкілеттік мерзімі - алты жыл. Әрбір үш жылда өкілеттігі аяқталған 16 депутат қайта сайланады. Соңғы рет сенат депутаттарын сайлау 2014 жылы өткен.
Дереккөз: Азаттық