Байқоңырдан "Протон-М" зымыран тасығышы ұшырылды

2 304 рет қаралды

Қызылорда облысындағы Байқоңыр ғарыш айлағынан ресейлік "Протон-М" зымыран тасығышы АҚШ-тың Echostar 21 спутнигін тіркеп ұшты деп хабарлады Роскосмос. Зымыран бейсенбі күні Астана уақыты бойынша сағат 9:45-те ұшырылған.

"Бриз-М" үдеткіш блогы бар "Протон-М" ұшырылғаннан 9 минут 42 секунд өткенде үшінші басқышынан ажырап, автономды режимде ұшуын жалғастырған. Жоспар бойынша, Echostar 21 спутнигі үдеткіш блоктан Астана уақыты бойынша сағат 18:58-де ажырап, орбитаға шығарылады.

Echostar 21 спутнигі Еуропа аумағында ұялы спутниктік байланыс қызметін көрсетуге арналған.

"Протон-М" зымыраны Байқоңырдан биылдыққа бірінші рет ұшырылып отыр.

Дереккөз: Азаттық

8 маусым 2017, 10:21

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.