В Атырау 0 
Қазақстандықтар стационарларда сирек емделетін болды: ауруханалар қызметі бір жыл ішінде 4,6%-ға кеміді. Осы уақытта жалпы тәжірибе дәрігерлері мен терең қызмет көрсететін мамандар қызметі 3,4%-ға қымбаттаған, деп хабарлайды energyprom.kz.
Биыл алғашқы үш айда денсаулық сақтау және әлеуметтік қызмет ұйымдары қазақстандықтарға 263,3 млрд теңгенің қызметін көрсеткен, бұл алдыңғы жылдың осы кезеңімен салыстырғанда 2,4%-ға артық. Оның ішінде 80,3%-ы бюджет қаражаты есебінен, 13,8% - тұрғындар есебінен және 5,9 % - кәсіпорындар есебінен жұмсалған.
Айта кетерлігі, еліміздегі Астана, Алматы секілді екі ірі мегаполиске денсаулық сақтау және әлеуметтік көмек қызметі салаларының барлық қызметтерінің 30%-ға жуығы ғана жұмсалады, алайда мұнда еліміздің небары 15% тұрғыны шоғырланған. Бұл сонымен қатар, екі қалада республикалық деңгейдегі медициналық орталықтардың көптігін білдіреді. Қызмет бойынша ең жоғарғы орта чек те Астанада тіркелген - адам басына 41,1 мың теңге (жылына +8%) және Алматыда адам басына 25 мың теңге (жылына +2,4%).
Салыстырмалы түрде, Қазақстан бойынша орта есеппен денсаулық сақтау және әлеуметтік көмек бойынша 2017 жылдың қаңтар-наурыз айларындағы көрсеткіш адам басына шаққанда 14,8 мың теңге - былтырғы жылдың осы кезеңімен салыстырғанда, 1,9%-ға артқан.
Дереккөз: ҚазАқпарат