Атырау, 19 мамыр 09:14
 бұлыңғыр боладыВ Атырау +21
$ 443.44
€ 480.51
₽ 4.88

Астанада соққыға жығылған "қарт кісі" озбыр жігіттің үстінен неге арызданбағанын айтты

Бейнежазба
2 399 просмотра


Елордалық полицейлер Астана тұрғынынан зардап шеккен жүргізушіні тапты, - деп хабарлайды Tengrinews.kz тілшісі. 

Осыған дейін Қазнетте бір жігіттің қарт жүргізушіні аяусыз ұрып-соққаны бейнеленген видео пайда болған еді. Өткен аптада полиция соққы жасаған 23 жастағы жігітті ұстаған. Бүгін полициядағылар зардап шеккен ер адамның да табылғанын хабарлады. 

"Жедел іздестіру шараларының барысында Астанадағы Абай көшесінің бойында соққыға жығылған жүргізуші ер адам анықталды. Алайда жәбірленуші полицияға арыз жазудан бас тартып, жігітке ешқандай да шағымы жоқ екенін мәлімдеді", - деп хабарлады Астана қалалық ІІД-нің өкілдері. 

Сөйтсек, жәбірленуші қарт емес, 34 жастағы ер адам болып шықты. Ол Оңтүстік Қазақстан облысының тумасы. Қазіргі уақытта ол елордада тұрып жатыр екен. Полицияда жәбірленуші 23 жастағы жігітпен жолға таласып қалғандықтан жанжалдасқанын айтқан.  "Бір-біріне жол бермегені үшін қақтығыс болған", - деп хабарлады полицейлер. 

Еске салайық, мұның алдында ІІД-нің баспасөз хатшысы Софья Қылышбекова ер адамның табылғанын және соталды тергеу жүргізіліп жатқанын хабарлаған.  Ал осыған дейін Астана полициясының жүргізушіні ұрып-соққан адамдарды іздестіріп жатқаны хабарланған еді.

Еске сала кетейік, жақында әлеуметтік желілерде және Instagram желісіндегі парақшаларда ел өңірлерінің бірінде түсірілген видео пайда болған еді. Видеодағы кадрлардан ер адамның тал түсте өзінен үлкен ер адамды ұрып жатқанын көруге болады.


Дереккөз: Tengrinews.kz

23 мамыр 2017, 12:08

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.