Бүгін 3 мамырда «ҚР БҒМ Сейсмологиялық тәжірибе-әдістемелік экспедициясы» ММ баспасөз қызметі Алматының оңтүстік батысынан 613 шақырым қашықтықта Қырғызстан мен Тәжікстан аумағында жер сілкінісі тіркелгені туралы мәлімет таратты. Жер сілкінісі Алматы мен Мерке қаласында да сезілген, деп хабарлайды Baq.kz.
«Бүгін 10 сағат 47 минут 08 секундта эпицентрі Алматының оңтүстік батысынан 613 шақырым қашықтықта Қырғызстан мен Тәжікстан аумағында жер сілкінісі тіркелді. Жер асты дүмпуінің энергетикалық санаты - 14.3. Магнитудасы - 3.3 MPV. Бағыты - 39.49° с.е. 71.49° ш.б. Тереңдігі – 5 шақырым. МSК-64 бағаны бойынша Алматыда қуаты 2 балл, Жамбыл облысы мерке қаласында 3-4 балл жер сілкінісі сезілген», - делінген хабарламада.
Дереккөз: Baq.kz