Петропавлға жақын Заречный, Тепличное, Прибрежное, Хромзавод, саяжай алқаптарынан адамдар эвакуациялануда. «Бұл аудандарда барлығы 5,5 мың адам тұрады. 276 үйді су басты. 994 адам көшірілді, оның 170-і бала, 17-сі мүгедек. Халыққа қажетті медициналық және психологиялық көмек көрсетілуде», - деді ІІД баспасөз қызметінде.
Петропавл ЖПҚ, ІІБ, Қызылжар АІІБ күштері тәулік бойы кезекшілік ұйымдастырды. Жолдарды торуылдау жұмыстары жүргізілуде. Баспасөз қызметіндегілер СҚО ІІД бастығы полиция генерал майоры Берік Біләловтің күндіз де, түнде де су басқан ауданда жүргендігін айтты.
Дереккөз: ҚазАқпарат