Геннадий Головкин WBO әлем чемпионы Билли Джо Сондерспен жазда жекпе-жек өткізбейді. Бұл туралы Yahoo! Sports сайты өзінің дереккөзіне сілтеме жасап хабарлады, деп жазады Sports.kz.
Мұның орнына қазақстандық боксшының командасы қыркүйекте Сауль «Канело» Альвареспен жекпе-жек өткізуге дайындалады.
Головкинің промоутері Том Леффлер мексикалық боксшының тарапымен келіссөздер жүргізіп жатыр. Әзірге бұған қатысты қандай да бір ақпарат беруден бас тартты.
Айта кетсек, Головкин мен Сондерстің жекпе-жегі о баста маусым айына жоспарланған болатын. Жекпе-жек «ЭКСПО» көрмесі қарсаңында Астанада өтеді деп хабарланған еді.
Дереккөз: Вaq.kz