В Атырау 0 
"Бізге Головкиннің жарақат алып қалғанын айтты. Мұның соңы не боларын көрейік. Осы жекпе-жекті ұйымдастыру үшін біз қолдан келгеннің барлығын жасадық. Билли онымен жұдырықтасуға лайықты. Биллидің қалтасында әрдайым қаламы дайын жүреді. Ол кез келген боксшымен жұдырықтасуға келісімін береді. Қазіргі уақытта барлығы созылып кетті", - деді Уоррен.
Айта кетейік, Геннадий Головкин орта салмақта WBA (Super), IBO, WBC және IBF тұжырымдары бойынша әлем чемпионы және оған осы салмақ дәрежесінде барлық белбеулердің басын қосу үшін тек Сондерстің WBO титулы жетіспейді. Инсайдерлік ақпарат бойынша, БАҚ беттерінде Головкин - Сондерс жекпе-жегі Астанада 17 маусымда EXPO-2017 халықаралық көрмесі күндері өтетіні хабарланды. Қазақстандық боксшы мен мексикалық Сауль "Канело" Альварес арасындағы жекпе-жек қыркүйекте өтеді деп болжанады, алайда келіссөздер әлі де жүріп жатыр.
Дереккөз: Тengrinews.kz