Атырау, 28 наурыз 20:48
 ашықВ Атырау 0
$ 449.58
€ 486.94
₽ 4.86

Ақтөбеде стоматология әкімшісін кепілге алған Абылай Тілеуовпен арадағы келіссөз ғаламторға жарияланды

Бейнежазба
2 605 просмотра


Ақтөбеде 24 жастағы жігіттің стоматология әкімшісін кепілге алған сәті ғаламторға шығып кетті. Бейнеайғақта ер адам стоматология ішіндегі қыздың тамағына үшкір зат кезеніп тұрғаны көрінеді, деп хабарлайды ҚазАқпарат тілшісі.  

Ақтөбеде 14 наурыз күні 24 жастағы Абылай Тілеуов «Жемчуг+» стоматологиялық клиникасына барып, сол жерде жұмыс істейтін әйелін таппаған соң, қызметкерді кепілген алған болатын. Облыстық ішкі істер департаменті мен прокуратура 5 сағат бойы келіссөз жүргізді. Оқиға орнына қылмыскердің ата-анасы, туыстары шақырылып, тілдесу кезінде бір тоқтамға келу мүмкін болмаған. Ешкім А.Тілеуовті райынан қайтара алмады. Ал бүгін ғаламторға сол күнгі оқиғаның бір көрінісі шығып кетті. Бейнеайғақта ер адам стоматология кабинетіндегі бір бөлменің бұрышында тұр. Ол кепілге алған қыздың тамағына үшкір, өткір зат кезеніп тұр. 

Қазіргі уақытта облыстық ішкі істер департаменті бейнеайғақтың қалай ғаламторға шығып кеткенін анықтап жатыр. Бұған дейін Ақтөбеде ер адам стоматология әкімшісін кепілге алып, әйелін жеткізуді талап еткені туралы хабарлаған болатынбыз.  

Еске салсақ, Абылай Тілеуов әйелін өлтіру мақсатында оны алдымен ата-анасының үйінен іздеп, сол жерде қайын енесін жаралаған. Кейін стоматологиялық клиникаға барып, сол жерде әкімшіні кепілге алды. Полиция мен прокурорлар кепілге алынған адамның өмірін құтқару мақсатында арнайы операция жүргізді. 24 жастағы жігітті тоқтату үшін табельді қару қолданылып, ол сол жерде қаза болды.   

Видео  diapazon.kz сайтынан алынды:


Дереккөз: ҚазАқпарат

16 наурыз 2017, 16:27

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.