Головкин: Бұл кездесудің ойын емес екенін түсінемін

Геннадий Головкин Дэниэл Джейкобспен кездесуі алдында НВО арнасына алдағы жекпе-жектен не күтетінін айтты, деп хабарлайды Prosports.kz.

«Өз басым Джейкобсты құрметтеймін. Мен оны дәл бүгінге дейін кездескен боксшыларымның арасындағы ең мықтысы деп есептеймін. Ол өте ақылды және тәжірибелі боксшы. Келл Брукпен көшеде жүргендей төбелес болды. Ал Джейкобспен бокс болады. Мен бұл кездесудің ойын емес екенін түсінемін. Себебі кім жеңсе, сол орта салмақта нөмір бірінші боксшы атанады», — дейді Головкин.

Естеріңізге салсақ, Головкин – Джейкобс кездесуі 19 наурызда Нью-Йорктегі атақты Madison Square Garden аренасында өтеді.

Дереккөз: Prosports.kz