Қостанай облысында құлындардың не себепті қырылуы мүмкін екені айтылды

Қостанай облысы әкімдігінің ветеринария басқармасы жетекшісінің орынбасары Марат Күзенбаев аймақтағы жылқы төлінің жаппай қырылуына не себеп болуы мүмкін екенін айтты, - деп хабарлайды Alau.kz. 

Оның айтуынша, басқарма жетекшісі ауылдарда болып қайтты. Қазір жағдай реттелген. 

"Биелердің түсік тастауы қайталанған жоқ. Әңгіме жаппай қырылу туралы. Бұл жағдай 2016 жылдың желтоқсанында басталды. Себептердің бірі - ауа райы. Амангелді ауданында күз суық болды. 

Оның үстіне жануарлардың иммунитеті де түсіп кетті", - дейді ол.  Дегенмен зертханада сараптама жүріп жатыр. Оның қорытындысы апта соңында белгілі болады.  

Еске салайық, Амангелді ауданының тұрғындары жылқы төлінің туа сала қырылып жатқанын айтқан болатын.

Дереккөз: tengrinews.kz