Азия ойындарының алғашқы алтыны қоржынға түсті

Жапонияның Саппора қаласында өтіп жатқан Азия ойындарының алғашқы алтыны қоржынға түсті. Шаңғымен еркін әдіспен жүгіруден жекелей сында Ринат Мухин чемпион атанды, деп хабарлайды Baq.kz тілшісі.

Ол 15 шақырымға жүгіруден жапониялық Наото Баба мен Акира Лентингті басып озды. Ал өзге қазақстандық спортшылардың ішінен Сергей Черепанов «ағаш медальге» ие болды. Яғни мәреге төртінші келді. Николай Чеботько – бесінші, Ердос Ахмадиев – алтыншы орында.

Қысқы Азия ойындары – 2017. Саппоро (Жапония)

Шаңғы жарысы. 15 шақырым. Еркін әдіс.

1. Ринат Мухин (Қазақстан) – 41:25.3

2. Наото Баба (Жапония) – +4.5

3. Акира Лентинг (Жапония) – +8.0

4. Сергей Черепанов (Қазақстан) – +23.8

5. Николай Чеботько (Қазақстан) – +1:25.1

6. Ердос Ахмадиев (Қазақстан) – +1:45.2.

Дереккөз: Baq.kz