Қазақстанда сыра жарнамасына рұқсат берілмек

2 460 просмотра

Ақпарат және коммуникация министрі Дәурен Абаев Қазақстанда сыра жарнамасына неліктен рұқсат берілетінін айтты, - деп хабарлайды Tengrinews.kz тілшісі.

"Біз сауда маркасының жарнамасын көрсетуді ұсынамыз. Бұл прайм-таймда болатын жарнама емес, шамамен кешкі 10-нан немесе 11-ден таңғы 5-ке дейін. Алкоголі аз брендтерді ғана жарнамалау ұсынылып отыр", - деді министр Мәжілістегі үкімет сағатынан кейін.

Дәурен Абаев сыра өнімдерінің жарнамасы отандық өндірушілерге жағдай жасайтынын атап өтті. "Егер отандық өнімді қолдамайтын болсақ, шетелдік алкоголі аз өнім бәрібір де болады. Біз бұл мәселеде ұтыламыз. Бұл БАҚ-тарға қосымша қаражат", - деді ол.

Министрдің айтуынша, жарнама түнгі уақытта көрсетілетіндіктен, балалар оны көрмейді. Еске салайық, елімізде 2004 жылдың 1 қаңтарынан бері алкоголь өнімінің жарнамасына тыйым салынған.

Дереккөз: Tengrinews.kz

5 желтоқсан 2016, 14:47

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.