Талдықорғанда жылыту пеші жарылып, екі адам қаза тапты

2 670 просмотра

Талдықорғанда жылыту пеші жарылды, - деп хабарлайды Tengrinews.kz тілшісі Алматы облысының Төтенше жағдайлар департаментіне сілтеме жасап. Төтенше жағдай 20 қарашада Щорс көшесіндегі №29 тұрғын үйде болған.

Сағат 19.00-де ТЖД-не жылыту пешінің жарылғаны туралы хабарлама келіп түскен. Жарылыс салдарынан оқиға орнында екі адам қаза тапқан. Сондай-ақ, бір адам сол аяғын жарақаттап, Талдықорғандағы ауруханаға жеткізілген. Оның жағдайды орташа тұрақты деп бағаланып отыр.

"Түтіндік тазаланбаған немесе мұздап қалған кезде пеш жағып жылытуға болмайды. Түтіндіктерді дер кезінде тазартуға кеңес береміз, яғни айына 1-2 рет тазалау қажет. -1 градус аяз кезінде жылыту пештерін күніне бір рет, қажет болса бірнеше рет жағу қажет", - деді департамент өкілдері.

Дереккөз: Tengrinews.kz

21 қараша 2016, 10:34

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.