Қазақстанда он ай ішінде 200-ден аса полиция қызметкері сотталды

1 574 просмотра

Биыл заңның "ала жібін аттаған" 200-ден астам полиция қызметкері сотталды, - деп хабарлайды 24.kz.

Бұл - соңғы он айдың көрсеткіші. Былтыр да дәл осындай статистика тіркелген. Жалпы ішкі істер органдары қызметінің мәселелері жөніндегі Қоғамдық кеңеске тәртіп сақшыларына қатысты жыл сайын 10 мыңдай шағым түседі. Полицейлердің заңсыз әрекеттеріне байланысты бұқаралық ақпарат құралдарында жарияланған мәліметтердің нәтижесінде қызметтік тексеріс жүріп, оның қорытындысы бойынша өткен жылы 92, ал биыл 50 адам жазаға тартылды. Бүгін бұл туралы журналистерге Қоғамдық кеңес мүшелері мәлімдеді.

"Полиция қызметкерлерінің заңсыз әрекеттеріне, қоғамдық тәртіпті бұзған полиция әрекетеріне келіп түседі шағымдар. Өздері әлеуметтік жағдайына байланысты соттың шешімдері заңды күшіне енбей жатып, тергеу бітпей жатып, жұмыстан шығарып жатқанға байланысты шағымдар түседі", - дейді Ішкі істер органдарының қызметі мәселелері жөніндегі Қоғамдық кеңес мүшесі Бақтияр Бүлеулиев.

Дереккөз: 24.kz

10 қараша 2016, 14:53

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.