Мемлекет басшысы апта соңына дейін ешқандай жиынға қатыспайды – Айдос Үкібай

Президенттің баспасөз хатшысы Айдос Үкібай Ақорданың фейсбуктегі ресми парақшасында Елбасы Нұрсұлтан Назарбаевтың хал-жағдайы жақсы екенін баяндады, деп хабарлайды BNews.kz.

Оның айтуынша, Президентке суық тиіп, қазір ем қабылдап жатыр. Оның денсаулығына еш алаңдаудың қажеті жоқ.

«Мемлекет басшысының жұмыс жоспарына өзгертулер енгізілді. Осы аптаның соңына дейін халықаралық шараларға қатыспайды. Еревандағы Ұжымдық қауіпсіздік туралы шарт ұйымы аясында өтетін отырысқа Қазақстан Республикасының Премьер-министрі барады. Одан әрі Елбасы әдеттегі жұмыс тәртібіне сейкес жұмы істейді», - дейді А.Үкібай.

Дереккөз: BNews.kz