6 қазан күні Қазақстан президенті Нұрсұлтан Назарбаевтың қаулысымен "мемлекеттік басқару жүйесін жаңғырту және оның тиімділігін арттыру мақсатында" Қорғаныс және аэроғарыш өнеркәсібі министрлігінің құрылды,- деп хабарлады Ақорданың баспасөз қызметі.
Жаңа министрліктің қызметі "қорғаныс, аэроғарыш өнеркәсібі және электрондық өнеркәсіп, ақпараттандыру және байланыс саласындағы ақпараттық қауіпсіздік (киберқауіпсіздік)" салаларын қамтиды. Мекеменің негізгі басшылық бағыттары "бірыңғай әскери-техникалық саясатты және әскери-техникалық ынтымақтастықты жүргізуге қатысу, қорғаныстық тапсырысты қалыптастыру, орналастыру және орындау" деп көрсетілген.
Жаңа министрліктің құрамына Қорғаныс министрлігінен – қорғаныс өнеркәсібі саласындағы, Инвестициялар және даму министрлігінен – ғарыш қызметі саласындағы, Ұлттық экономика министрлігінен – жұмылдыру даярлығы және жұмылдыру, мемлекеттік материалдық резервті қалыптастыру және дамыту саласындағы өкілет берілген.
Қорғаныс және аэроғарыш өнеркәсібі министрлігіне премьер-министр кеңсесінен – ақпараттық қауіпсіздікті қамтамасыз ету, ақпарат және коммуникациялар министрлігінен - ақпараттандыру және байланыс саласындағы ақпараттық қауіпсіздікті қамтамасыз ету функциялары көшеді.
Дереккөз: Аkorda.kz