Өлім жазасы қылмыскерлерді тоқтата алмайды - Қ.Мәми

Фото: blog.sud.kzБүгін ҚР Жоғарғы сотының төрағасы Қайрат Мами (суретте) Zakon.kz порталында оқырмандармен онлайн-конференция өткізді. Оқырмандар арасында ең көп рейтинг жинаған сұрақтың бірі - өлім жазасына жарияланған мораторийге қатысты болды,- деп хабарлады Қазақпарат.

«Құрметті Қайрат Мәми. Қазір Қазақстанда террористер де, педофилдер де, адамды аяусыз өлтіретін қылмыскерлер де көбейді. Қоғам қайраткерлері мен депутаттар осындай істер бойынша өлім жазасына қойылған мораторийді алып тастау туралы пікір білдірді. Менің өз басым бұл ұсыныспен келісемін. Бұған қатысты сіздің пікіріңіз қандай?»,-деген Алматы тұрғыны Александр.

«Алматыда терроризмге қатысты қылмыстық істен кейін, алты жасар бүлдіршін зорланған Ақтау оқғасынан кейін бұл мәселе көптің аузынан түспейтін болды. Қазіргі қолданыстағы Қылмыстық кодекске сай, осындай қылмыскерлерге ең ауыр жаза қолданамыз. Тіпті, оларды өмір бойы бас бостандығынан айырамыз. Өлім жазасын қайта енгізу мәселесін әрине зертеу керек. Бірақ, Қылмыстық кодекске өлім жазасын қайта енгізіп, өлім жазасын қолдану қылмыскерлерді тоқтатады деп ойламаймын. Қылмыскерлер өлім жазасынан қорқып, қылмысқа бармай қоймайды. Адам қылмысқа әртүрлі себеппен барады»,-деп жауап берген Қ.Мәми.

Дереккөз: Іnform.kz