Қазақстанның батысында күн қайта жылынады

Синоптиктер 2016 жылдың 20-22 қыркүйек аралығына ауа райы болжамын жария етті, - деп хабарлайды Tengrinews.kz тілшісі "Қазгидромет" РМК баспасөз қызметіне сілтеме жасап.

"Жерорта теңізінің шығыс жағалауынан жылы ауа массасының шығуы Қазақстанның батысы мен солтүстік-батысында ауа температурасының көтерілуіне әсер етеді. Солтүстік-шығыс ағымдар республиканың солтүстік және орталық аймақтарында ауа температурасының төмендеуімен қатар жаңбыр мен екпінді жел әкеледі, алайда үшінші тәулікте бұл аудандарда күн жылынады. Шығыста суық ауа фронттарымен аптаптың беті қайтады, сөйтіп, жел күшейіп, кей жерлерде жаңбыр жауады деп күтіледі. Оңтүстікте және оңтүстік-шығыста жазғы ауа райы сақталады, бірақ кезең соңында таулы және тау етегіндегі аймақтарда қысқа уақытқа созылатын жаңбыр жауып, найзағай ойнайды, жел тұрады", - делінген хабарламада.

Дереккөз: Tengrinews.kz