Қашағанның мұнайы қыркүйектің 24-інде өндіріле бастайды - Сауат Мыңбаев

1 772 рет қаралды

Қашағанның мұнайы қыркүйектің 24-інде өндіріле бастайды. Бүгін Ақордада өтіп жатқан ҚР Үкіметінің кеңейтілген отырысында «ҚазМұнайГаз» ҰК» АҚ Басқарма төрағасы Сауат Мыңбаев мәлім етті,- деп хабарлады Қазақпарат.

Жиын барысында Елбасы бірқатар өңір басшыларын тыңдай келе, Қашаған мәселесіне назар аударды. «Еліміздің күтіп отырғаны Қашағанның алғашқы мұнайы. Оның Қазақстанға, елдің дамуына әкелетін пайдасы мол. Не болып жатыр жағдай?», деп сұрады Мемлекет басшысы ұлттық мұнай-газ компаниясының басшысына қарата айтқан сөзінде. «Қашаған бұйырса осы айдың аяғында мұнай өндіруге кіріседі. Сосын қараша айының соңына таман, бұйырса коммерциялық өндіруге жетуді ойлаған жоспарымыз бар. Енді жұмыстар ақырындап, байыппен атқарылуда. Бұйырса, қыркүйектің 24-інде алғашқы мұнай өндіруді бастамақ», деді «ҚазМұнайГаз» ҰК» АҚ Басқарма төрағасы Сауат Мыңбаев.

Өз кезегінде Президент Қашағанға қатысты мәселені баяндап тұруды тапсырды.

Дереккөз: Іnform.kz

9 қыркүйек 2016, 10:53

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.