«Байқоңырда» 6 мектеп қазақстандық білім беру стандартына көшті

Фото: kapital.kz1 қыркүйектен «Байқоңырда» 6 мектеп қазақстандық білім беру стандартына көшті. Бұл туралы ҚР Президенті жанындағы Орталық коммуникациялар қызметіндегі брифингте Қызылорда облысы әкімінің орынбасары Руслан Рүстемов мәлім етті, деп хабарлайды BNews.kz.

«Осы жылдың 1 қыркүйегінен бастап Байқоңыр қаласындағы 6 мектеп пен 1 балабақша қазақстандық білім беру стандартына көшті. Барлығына да облыстық бюджеттен қаржы бөлініп, жаңа материалдық-техникалық базамен қамтамасыз етілді. Онда жұмыс істейтін ұстаздардың жалақысы ресейлік стандартпен есептелінген бұрынғы айлықтарынан өскендігі байқалады», - деді ол.

Облыс әкімінің баспасөз қызметі хабарлағандай, қазір Байқоңырдағы 6 мектепте 4755 бала білім алып, ал 1 балабақшада 177 бала тәрбиленуде.

Р. Рүстемовтің айтуынша, бүгінде Байқоңыр қаласында 40 мыңнан астам Қазақстан азаматы тұрып жатыр.

Дереккөз: BNews.kz