Атырау, 29 наурыз 12:10
 ашықВ Атырау +10
$ 448.15
€ 483.46
₽ 4.86

ҚР СІМ Қытайдың Қырғызстандағы елшілігіне жасалған шабуылға байланысты пікір білдірді

1 527 просмотра

Қытай Халық Республикасының Қырғыз Республикасындағы Елшілігіне жасалған шабуылға байланысты Қазақстан Республикасы Сыртқы істер министрлігі мәлімдеме жасады, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

Мәлімдемеде ҚР СІМ-нің Қытай Халық Республикасының Қырғыз Республикасындағы Елшілігіне жасалған шабуылды үзілді-кесілді айыптайтыны хабарланған. Сонымен қатар, бұл шабуыл террористік акт ретінде танылған.

Мұнымен бірге, ведомство аталған қылмысты егжей-тегжейлі тергеу мен кінәлілерді жауапкершілікке тарту бойынша қырғыз тарапының шешімділігін қолдау білдіретінін хабарлады.

"Орталық Азиядағы қауіпсіздік мәселелерінің өзектілігіне қайта назар аударудамыз. Терроризмнің кез-келген нысандары мен көріністеріне жол берілмеуі тиіс деп мәлімдеп, аталған қастыққа қарсыласудағы халықаралық жігердің біріктіруіне шақырамыз", - делінген ресми мәлімдемеде.

Еске салайық, кеше таңғы уақытта Бішкекте жарылыс болған еді. Mitsubishi Delica маркалы көлік дипломатиялық ведомствоның қақпасын соғып, кіріп, жарылған. Салдарынан лаңкес қаза тапты, ал елшіліктің үш қызметкері жарақат алып, ауруханада жатыр. Жарақат алғандар Қырғызстанның азаматтары. Әзірше Қытай елшісінің жарылыс кезінде қайда болғаны белгісіз. Қазіргі уақытта жедел-тергеу шаралары жүріп жатыр.

Дереккөз: Tengrinews.kz

31 тамыз 2016, 11:37

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.