Фото: youtube.comБүгін Астанада антитеррорлық оқу-жаттығулар өтіп жатыр. Бұл туралы елорданың терроризммен күрес жөніндегі жедел штабынан мәлімдеді, деп хабарлайды BNews.kz.
«Елорда қонақтары мен тұрғындарынан сабырлық сақтап, дүрлікпеуді өтінеміз», - делінген Астана ІІД баспасөз қызметінің хабарламасында.
Бүгін Астанада Күмісбеков 5А көшесінде, бұрынғы жұқпалы аурулар ауруханасының аумағында террорлық актінің жолын кесу мен оның салдарын жою бойынша антитеррорлық оқу-жаттығулар өтіп жатыр.
Шараның мақсаты – елордалық терроризмен күрес жөніндегі жедел штабтың күштері мен құрал-жабдығының дайындығын тексеру.
Оқу-жаттығу түрлі күрделі элементтер қолданылып, жауынгерлік іс-қимылдарға барынша жақын жағдайда өтеді.
Дереккөз: BNews.kz