Қазақстандықтар Бразилияға 30 күн бойы визасыз кіре алады

Фото: Tengrinews.kz Қазақстандықтар Бразилияға 30 күн бойы визасыз кіре алады, - деп хабарлайды Tengrinews.kz тілшісі.

СІМ-де сыртқы істер министрінің бірінші орынбасары Мұхтар Тілеуберді мен Бразилияның Қазақстандағы елшісі Деметрио Буэно Карвальо екі ел арасында азаматтардың визасыз жүру құқығын беретін құжатқа қол қойды. Келісім бойынша қазақстандықтар Бразилияда 30 күн бойы визасыз жүре алады.

Айта кетейік, 5 тамызда бұл елдегі Рио-де-Жанейро қаласында жазғы Олимпиада ойындарының ашылу салтанаты өтіп, жарыстар 21 тамызға дейін созылады.

Дереккөз: Tengrinews.kz