ІІМ басшысы полицейлерді атқан адамның қылмысқа бару себебін айтты

ҚР ішкі істер минстрі Қалмұханбет Қасымов полицейлерге шабуыл жасаған адамның мотивін атады, - деп хабарлайды Tengrinews.kz тілшісі.

Айтуынша, Алматыда атыс шығарған адам құқық қорғау органдарының қызметкерлерінен кек алғысы келген. Ол тонау және қаруды заңсыз сақтау бойынша сотталып, абақтыда болған жылдары үшін полицейлерге өш болған.

Айта кетейік, ҰҚК басшысы Владимир Жұмақанов Қауіпсіздік кеңесінің жиынында Алматыдағы Алмалы аудандық ІІБ мен ҰҚКД ғимаратына шабуылдаған адам жайлы мәліметті Мемлекет басшысына баяндап берген болатын. Ал одан кейін Ақордадағы Қауіпсіздік кеңесінің жиынында ішкі істер министрі Қалмұханбет Қасымов Президентке Алматыдағы оқиғаның хронологиясын айтып берді.

Дереккөз: Тengrinews.kz