В Атырау 0 
Фото: elana.kzБүгін Астанада Индустриалды-инновациялық даму бағдарламасының 2016 жылғы I жартыжылдық қорытындысына арналған кеңесті ашқан Мемлекет басшысы Нұрсұлтан Назарбаев бұған дейін индустрияландыру саясатын жүзеге асыруға жетекшілік еткен бұрынғы министр Әсет Исекешевке ризашылығын білдірді,- деп хабарлады ҚазАқпарат.
«Жұмысқа кіріспес бұрын, соңғы алты жылда атқарған жұмыстары үшін Әсет Өрентайұлына ризашылығымды білдіргім келеді. Осы жылдар ішінде ауқымды шаралар атқарылды. Ә. Исекешев Қазақстандағы индустрияландыруды енгізудің пионері болды. Әлемнің барлық индустрияланған мемлекеттерін аралап шықты. Біздің осы бағыттағы шарттарымызды әлем де біле бастады. Әрине, кемшіліктер болмады деп айта алмаймыз. Дегенмен, ең бастысы бағдарлама іске қосылды, біз оны ары қарай жалғастыруымыз керек», - деді Елбасы.
Сонымен қатар, Президент Ә.Исекешевке өзінің тәжірбесін еліміздің Астанасын дамытуға жұмсайтынына сенім білдірді. Сонымен қатар, Елбасы Инвестициялар және даму министрі болып тағайындалған жаңа министрді де құттықтады.
«Жеңіс Қасымбек Исекешевпен бірге жұмыстар атқарды. Тәжірибесі баршылық, жас әрі жігерлі. Ол осыған дейінгі барлық кемшіліктерді екшеп, жаңа жұмыстарға тың серпін береді деп сенеміз», - деді Н. Назарбаев.
Дереккөз: Іnform.kz