Астана әуежайына қонып жатқан әскери ұшақтың қос дөңгелегі жұлынып кетті

2 731 просмотра

Астана әуежайына қонбақшы болған әскери ұшақтың екі дөңгелегі жұлынып кетті, - деп хабарлайды Tengrinews.kz тілшісі. Оқиғаның мән-жайын Қорғаныс министрлігінің баспасөз хатшысы Жанар Колбачаева айтып берді.

"Бүгін сағат 13.37-де Астана әуежайына қонып жатқан Ту-134 ұшағының шассидің сол жағында орналасқан екі дөңгелегі жұлынып кетті. Экипаж мүшелері зардап шеккен жоқ. Мұны авиациялық оқиға деп айтуға болады", - деді Колбачаева.

Оның айтуынша, ұшақ Алматы-Астана бағытында ұшқан.

"Болжам бойынша, оқиға ұшу-қону жолағында жатқан заттан болған. Дөңгелектер жаңа. Ұшақтар штатты режимде қонып жатыр. Ұшақ әуелі қонған, содан кейін ғана дөңгелектері шығып кетті. Ұшқыштың қателігі емес", - деді ол.

"Осыған байланысты сағат 14.00-14.40 арасында Астана әуежайы жұмыс істеген жоқ. 14.40-тан бастап әуежай жұмысын штатты режимде жалғастырып жатыр", - деді Астана әуежайының өкілдері.

Дереккөз:Tengrinews.kz

16 маусым 2016, 17:00

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.