Айдос Үкібай ҚР Президентінің Баспасөз хатшысы болып тағайындалды

3 823 просмотра

Фото: time.kzҚазақстан Президентінің жаңа баспасөз хатшысы тағайындалды, - деп хабарлайды Tengrinews.kz тілшісі Ақордаға сілтеме жасап.

"Мемлекет басшысының өкімімен Қазақстан Республикасының Президентінің баспасөз хатшысы болып Айдос Үкібай тағайындалды", - делінген Мемлекет басшысының жарлығында.

Бұл қызметке ол ақпарат және коммуникация министрі болып тағайындалған Дәурен Абаевтың орнына келді.

Айдос Үкібай 1976 жылы 25 наурызда Алматы облысында дүниеге келген. 1997 жылы ҚазҰУ-дың Журналистика факультетін оқып бітірген. Әр жылдары ол "Хабар" АҚ ақпараттық жобалар департаментінің жетекшісі, басқарма төрағасының орынбасары қызметтерін атқарды, соңғы жылдары "Хабар" АҚ басқарды.

Сонымен қатар Әділ Қапанұлы Тұрсынов Қазақстан Республикасы Президенті Әкімшілігінің Сыртқы саясат орталығының меңгерушісі қызметіне тағайындалды. Бұған дейін ол Қазақстанның Грузиядағы уақытша сенімді өкілі болған.

Дереккөз: Тengrinews.kz

17 мамыр 2016, 10:21

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.