Ақтөбеде көше бойындағы әжетханадан жаңа туылған нәресте табылды

Фото: Tengrinews.kzАқтөбенің 41 жастағы тұрғыны Молдағали Орынбасаров көшедегі әжетханадан нәресте тауып алды, - деп хабарлайды Tengrinews.kz тілшісі.

Ер адам әжетхана есігін ашқан кезде қыз бала қалтаға оралып, шұңқырда жатқан екен. Молдағалидің айтуынша, ол ең алдымен "102" номеріне, кейін жедел жәрдем қызметіне хабарласқан. Дегенмен ол полицейлер мен дәрігерлер келгенге дейін шыдамай, шұңқырға түсіп, нәрестені алып шығады.

Жылаған дауысы арқылы ол нәрестенің қай жерде екенін анықтауға тырысқан. Нәрестенің ағзасына суық тиген екен, дегенмен дәрігерлердің арқасында оның жағдайы тұрақтанды. Айта кетейік, полицейлер қыз баланың анасын іздестіріп жатыр.

Дереккөз:Тengrinews.kz