Заңсыз митинг ұйымдастырған тұрғын 15 тәулікке қамалды - Алматы

Алматы тұрғыны санкцияланбаған митинг ұйымдастырғаны үшін 15 тәулікке қамалды,- деп хабарлады ҚазАқпарат қалалық соттың баспасөз қызметіне сілтеме жасап.

Алматы ауданаралық мамандандырылған сотында ҚР ӘқК 488-бабының 3-бөлімімен әкімшілік іс қаралды.

Іс материалдарына сәйкес 2016 жылдың 1 мамырында Пушкин мен Райымбек көшелерінің қиылысында кешкі 20:00 шамасында сотталушы Н.Кемелбаев 100 адамның басын қосып, санкцияланбаған митинг өткізген. Жиналғандар жер кодексіне енгізілген өзгерістерге қарсылығын білдірді.

Сот үкімімен Н.Кемелбаев ҚР ӘқК 488-бабының 3-бөлімі бойынша айыпты деп танылып, 15 тәулікке қамауға алынды.

Дереккөз: Іnform.kz