В Атырау -2 
Алматы. 22 сәуір. ҚазТАГ - Қазақстанда суицид тәсілдерін жазғаны үшін «В контакте» әлеуметтік желісіндегі екі интернет- паблик бұғатталды, деп хабарлады Алматының Алатау аудандық сотының баспасөз қызметінен.
«Алматы қаласының Алатау аудандық сотында Алматы қаласының Алатау ауданы прокурорының интернет-ресурстардағы шетелдік бұқаралық ақпарат құралдарында орналастырылған өнімді заңсыз деп тану және оның Қазақстан Республикасы аумағында таратуды тоқтату туралы шағымы бойынша азаматтық іс қаралды», - делінген жұмадағы хабарда.
Сот анықтағандай, «В контакте» әлеуметтік желісінде тіркелген екі интернет-пабликтегі ақпарлар суицид жасаудың әдіс-тәсілдерін, ұсынымдарын толық сипаттап берген.
Осылайша, сот шешімімен аталмыш пабликтер заңсыз деп танылды, себебі оларда Қазақстанның заңнамалық актілеріне қарама-қайшы келетін ақпар бар, және аталмыш өнімді республика аумағында таратуға сот тыйым салған.
Шешім заңды күшіне енді.
Дереккөз: ҚазТАГ