В Атырау 0 
Еуразия экономикалық одағы - таза экономикалық одақ, СССР-ді қайта құру ешқандай әңгіме жоқ деп мәлімдеді Қазақстан президенті Нұрсұлтан Назарбаев Вашингтонда.
Ақорданың баспасөз қызметінің хабарлауынша, Вашингтонда АҚШ-тың қоғамдық және саяси қайраткерлерімен кездесуінде ЕАЭО - ортақ тауар, капитал, еңбек ресурстары айналымы, қызмет көрсету ережелері бар экономикалық бірлестік екенін айтқан.
"Мұнда СССР-ді қалпына келтіру туралы ешқандай әңгіме жоқ. "Қырғи-қабақ" соғысы кезеңіндегі мұндай таптаурындарды құрту керек. Олар бізге болашаққа қарауымызға кедергі келтіреді" деген Назарбаев.
ЕАЭО - Ресей, Беларусь және Қазақстан арасында құрылған, 2015 жылдың қаңтарынан жұмыс істей бастаған одақ. Кейін одаққа Армения мен Қырғызстан да қосылған.
Дереккөз/фото: azattyq.org