В Атырау
-2 
"АвтоВАЗ", "КамАЗ" және Ford Sollers дайын автомобильдерді Қазақстанға жеткізуді тоқтатты, қазіргі уақытта олар құрастыратын машина бөлшектерін жіберіп жатыр, - деп хабарлайды "Ведомости" басылымы кәсіпорынға жақын дерккөзге сілтеме жасап.
Бұған жыл басында енгізілген утилизациялық және тіркеу салымдарының себеп болғаны айтылып отыр. Бұл зауыттар Қазақстанға жеткізетін дайын машиналарды шамамен екі мың долларға қымбат бағада жеткізеді екен. Басылымның мәліметінше, Lada Granta 383,9 мың рубль (шамамен 1,9 миллион теңге) тұрады.
"Бипэк авто" - "Азия авто" мәліметінше, өткен жылы қазақстандық дилерлер сатқан 97 мың автомобильдің 62 мыңнан астамы Ресей автоөндірушілерінің үлесінде екен. Сонымен қатар, жыл соңына дейін "Азия авто" конвейерінен 19 мың Lada автомобилі шығарылады.
"Көліктерді жеткізіп жатырмыз, бірақ тікелей импортты жалғастырудың мүмкіндігін түсіне отырып, өз автомобильдерімізді Қазақстанда құрастыруды ұйымдастыру жолдарын зерттеп жатырмыз", - деді Sollers өкілі. Басылымның мәліметінше, көлік жеткізуді жалғастырып жатыр әрі Қазақстанда құрастыру жолдарын қарастырып жатқан жоқ. Renault зауыты да жеткізіп жатыр екен, алайда салықтар енгізілгеннен кейін биылғы ақпаннан бері кіргізіліп жатқан көліктердің бағасын қымбаттатуға мәжбүр.
Дереккөз: tengrinews.kz