Қасым-Жомарт Тоқаев КХДР-дың ядролық қарулануына қатысты мәлімдеме жасады

АСТАНА. ҚазАқпарат - Қазақстан Парламенті Сенатының төрағасы Қасым-Жомарт Тоқаев Твиттер әлеуметтік желісіндегі жеке парақшасында КХДР-дың ядролық қарулануы төңірегіндегі жағдайға байланысты мәлімдеме жасады.

«Солтүстік Кореяның ядролық қарулануы халықаралық қауіпсіздікке қауіп төндіреді. Режімге қарсы БҰҰ-ның мақсатты санкциялары керек, бірақ тұрғындарға зардабын тигізбеуі қажет», - деді Қ.Тоқаев.

«Израильдегі лаңкестіктер - халықаралық лаңкестіктің жаңа көрінісі. Онымен күресу үшін жаһандық коалиция құру қажет», - деп жазды Сенат спикері.

Естеріңізге сала кетейік, КХДР басшысы Ким Чен Ын баллистикалық зымырандарды жарақтандыру үшін ядролық зарядтар массасы төмендетілгенін мәлімдеген болатын. Оның айтуынша, бұл қадам - «алдын алу әрекеті».

Дереккөз: inform.kz