Қызылорда облысында үш бала ыс тиіп көз жұмды

2 622 просмотра

Қызылорда облысының Қармақшы ауданында үйдегі өрт кезінде үш бала ыс тиіп қайтыс болды деп хабарлайды "Қазақстан жаңалықтары" агенттігі.

Облыстық төтенше жағдайлар департаментінің (ТЖД) мәліметінше, оқиға Қармақшының орталығы Жосалы кентінде 11 ақпан күні түстен кейінгі уақытта болған. Ыс тиген 2011, 2013 және 2015 жылы туған үш бала жедел жәрдем көлігімен ауруханаға алып бара жатқан жолда көз жұмған.

Өрт болған үйде ыс тиген 1975 жылы туған ер адам ауруханаға түскен. Өрт аумағы үш шаршы метрді құраған. ТЖД өрт шыққанын сол үйдің көршісі байқап қалып, балаларды сыртқа алып шығарғанын және өрт сөндірушілерді шақырғанын айтады.

Дереккөз: Азаттық радиосы

12 ақпан 2016, 11:25

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.