Қазақстанға Сириядан ағылып жатқан босқындар жоқ – ІІМ

2 078 просмотра

Астана. 11 ақпан. ҚазТАГ - Оксана Скибан. Қазақстанға Сириядан ағылып жатқан босқындар жоқ, деп мәлім етті ҚР ІІМ көші-қон полициясы департаментінің бастығы полковник Серік Саинов.

«Байқайсыз ба, олар (сириялық босқындар - ҚазТАГ) Қазақстанға онша қызықпайды, себебі бізде еуропалық елдер ұсына алатындай қомақты жәрдемақылар қарастырылмаған», - деді С.Саинов бейсенбіде парламент санатының кулуарында.

Бұл ретте ол Сириядан Қазақстанға 2-3 босқынның ғана келгенін айта кетті. Бірақ «олар бұл жақта бұрыннан тұрып жатқандар», ал жалпы «босқындардың соншалықты бір легі жоқ» деді.

«Босқын дәрежесін беруді сұрап өтініш жазушылар бар, былтыр 300-дей адам жазды, олардың тек 30-ы ғана қабылданды», - деді көші-қон полициясы департаментінің бастығы.

С.Саинов түсіндіріп өткендей, Қазақстанда аталмыш азаматтарды «аз-аздап» қана қабылдау мүмкіндігі бар.

Дереккөз: ҚазТАГ

11 ақпан 2016, 16:17

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.