В Атырау
-1 
фото: Today.kz"Террорлық қатерлерді сараптау орталығының" директоры Рамиль Латыпов Шымкентте белгілі кәсіпкер, ТҚСО-ның бұрынғы басшысы Тоқтар Төлешовтің ұсталуына қатысты пікір білдірді, - деп хабарлайдыTengrinews.kz тілшісі ұйымның ресми сайтына сілтеме жасап.
"2013 жылдың 12 ақпанында Қазақстан Республикасының Әділет министрлігі автономды коммерциялық емес "Террорлық қатерлерді сараптау орталығы" (тіркеу құжатының номері 1900/13-2087) ұйымының Қазақстан Республикасындағы өкілдігін тіркеген болатын. Өкілдіктің жетекшісі қызметіне Қазақстанның белгілі қайраткері Төлешов Тоқтар Жүсіпұлы тағайындау ұсынылған болатын. ТҚСО-ның Қазақстандағы өкілдігіне тағайындалған сәтте Төлешов Т.Ж. ТМД ісі және отандастармен байланыс жөніндегі Мемлекеттік думаның ТМД елдерінің Дін және қоғамдық ұйымдар мәселелері жөніндегі сараптау кеңесінің төрағасы еді, бұл туралы ресми құжаттар ұсынылған", - делінген хабарламада.
Сонымен қатар, ТҚСО өкілдері Төлешовтің жұмыста өзін жақсы қырынан көрсеткенін атап өтті. "Ресейдің жақсы досы, ресейлік-қазақстандық қарым-қатынастың нығаюының апологеті, еңбекқор, Төлешов 2014 жылы Ресейдің Орталық-Азиа өңіріндегі Журналистер одағының уәкілетті өкілі болды. Күші мен қаражатын аямай, Төлешов Қазақстанда да, Ресейде де қоғамдық жұмыстармен айналысты", - деп хабарлады ұйымдағылар.
"2015 жылдың қазан айында Төлешов ТҚСО-дан жұмыстан өз қалауымен шығу туралы арыз жазды. Бұл шешімі Төлешовтің өзін "Үдеу-Өрлеу" қоғамдық қозғалысының жетекшілігіне арнағысы келетінімен байланысты болды, яғни ол өз халқына толықтай беріліп қызмет еткісі келді. Сол 2015 жылдан Төлешов Ресейдің Орталық-Азиа өңіріндегі Журналистер одағының уәкілетті өкілдігін жаңартпады", - деп хабарлады ТҚСО-дағылар.
Еске салайық, осыған дейін Шымкентте арнайы операция кезінде белгілі кәсіпкер Тоқтар Төлешовтің ұсталғаны хабарланған болатын. Тұрғылықты мекен-жайы мен жұмыс орнын тексерген кезде қару, есірткі заты және оқулық табылып, тәркіленген.
Дереккөз: tengrinews.kz