Президенттің ролінде ойнаған актер мәжілісмен болуы мүмкін

2 874 просмотра

Астанада Қазақстан Президенті Нұрсұлтан Назарбаевтың төрағалығымен "Нұр Отан" партиясының XVII кезектен тыс съезі өтіп жатыр, - деп хабарлайды Tengrinews.kz тілшісі. Съезде партияның сайлауалды бағдарламасы таныстырылады, сонымен қатар Мәжіліске депутаттыққа үміткерлердің тізімі жарияланады деп күтіліп отыр.

Кезектен тыс Мәжіліс сайлауы және барлық деңгейдегі кезекті мәслихат сайлауы биыл 20 наурызда өтеді.

ҚР Парламенті Мәжілісінің депутаттығына үміткерлердің тізіміне 127 адам кіреді. Оның ішінде республикада танымал саясаткерлер, қоғам қайраткерлері, спортшылар және әртістер бар.

Кей мәліметтерге сүйенсек, партия тізіміне қазақстандық актер Нұрлан Әлімжанов кіреді, ол "Көшбасшы жолы" циклының "Отты өзен" және "Теміртау" фильмдерінде Назарбаевтың жас кезін сомдаған болатын. Сонымен қатар, болжам бойынша, тізімде бокстан Олимпиада чемпионы Серік Сәпиев те бар.

Съезге қазақстандық танымал боксшы Геннадий Головкин қатысады.

Дереккөз: tengrinews.kz

29 қаңтар 2016, 11:03

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.