Тікұшақ аптанынан кейін бюджет қаражатын пайдалану тексеріледі

2016 жылдың 27 қаңтары күні сағат 16:55 шамасында Алматы облысында MD-600N тікұшағы апатқа ұшырап, оның салдарынан 5 адам қаза тапқан (1 ұшқыш және 4 жолаушы, оның ішінде 1 кәмелетке толмаған бала).

АСТАНА, 29 қаң — Қазақстан жаңалықтары АА. Алматы облысында тікұшақтың апатқа ұшырауына байланысты "Республикалық санитариялық авиация орталығы" РМК-нің бюджеттік қаражатты пайдалануы және әуе-көлік қызметтерін көрсету заңдылығын сақтауына тексеріс жүргізіледі деп хабарлайды Қазақстан бас прокуратурасының баспасөз қызметінен.

2016 жылдың 27 қаңтары күні сағат 16:55 шамасында Алматы облысында MD-600N тікұшағы апатқа ұшырап, оның салдарынан 5 адам қаза тапқан (1 ұшқыш және 4 жолаушы, оның ішінде 1 кәмелетке толмаған бала).

"Республикалық санитариялық авиация орталығы" РМК-нің бюджеттік қаражатты пайдалануы және әуе-көлік қызметтерін көрсету заңдылығын сақтауына тексерістер тағайындалды",-делінген хабарламада.

Ведомствоның мәліметінше, қазіргі уақытта Қазақстан Республикасы Бас Прокурорының тапсырмасы бойынша сотқа дейінгі тергеп-тексеру материалы Қазақстан Республикасы Бас көлік прокуратурасының арнайы прокурорының өндірісіне қабылданды.

Аталған факт Үштөбе станциядағы Желілік полиция бөлімінің Сотқа дейінгі тергеп-тексерулердің бірыңғай тізілімінде ағымдағы жылдың 27 қаңтарда Қылмыстық кодекстің 344-бабы бойынша тіркелді (темiржол, әуе, теңiз немесе өзен көлiгi жүрісі немесе оларды пайдалану қауіпсіздігі қағидаларын бұзу).

Дереккөз: newskaz.kz