Елбасы: мерзімнен бұрын сайлау өткізу бастамасы өзекті

Қазақстан президенті Нұрсұлтан Назарбаев заң шығарушы органға мерзімнен бұрын сайлау өткізу бастамасын өзекті деп атады, деп хабарлайды Ақорданың баспасөз қызметі.

АСТАНА, 18 қаң — Қазақстан жаңалықтары АА. Қазақстан президенті Нұрсұлтан Назарбаев заң шығарушы органға мерзімнен бұрын сайлау өткізу бастамасын өзекті деп атады, деп хабарлайды Ақорданың баспасөз қызметі.

Баспасөз қызметінің хабарлауынша, елбасы Парламент Сенатының төрағасы Қасым-Жомарт Тоқаевпен және Премьер-Министр Кәрім Мәсімовпен консультация өткізді. Кездесуге сондай-ақ Президент Әкімшілігінің Басшысы Н.Нығматулин қатысты

Консультация барысында кезектен тыс Парламент сайлауын өткізу туралы Мәжіліс депутаттарының бастамасы қаралды.

Қазақстан Президенті бұл бастама қазақстандықтар арасында кеңінен қолдау тапқанын және мемлекет жүзеге асырып жатқан терең реформалар мен әлемдік нарықтағы ахуал тұрғысынан өзекті болып отырғанын атап өтті.

Сондай-ақ, Мемлекет басшысы бастаманың Мәжіліс пен мәслихат сайлауын біріктіруге, қаржылық және ұйымдастырушылық шығыстарды оңтайландыруға мүмкіндік беретініне назар аударды.

Қ.Тоқаев кезектен тыс сайлау өткізу жөніндегі бастама дер кезінде көтерілгенін, өйткені Мәжіліске бүгінде ел алдында тұрған міндеттерді нақты жүзеге асыру үшін халықтың жаңа мандатын алу қажет екенін айтты.

Дереккөз: newskaz.kz