2016 жылдың алғашқы сессиясында доллар бағамы 343 теңгеден асты

1 460 просмотра

2016 жылы KASE-нің алғашқы сессиясында доллар бағамы 343,11 теңгеге тең болды, - деп хабарлайды Tengrinews.kz тілшісі. 2015 жылы сауда 340,5 теңге бағаммен аяқталған болатын.

5 қаңтар күні таңғы сессияда алғашқы сауда 343 теңгемен жасалды. Ең төменгі баға 342,98 теңге болды. Ал ең жоғары баға - 343,21 теңге. Сауданың жалпы көлемі 91,6 миллион долларға жетті. Саудаға валюта нарығының 14 мүшесі қатысты. Kurs.kz сайтының мәліметтері бойынша, шетел валютасы ақша айырбастау орындарында 341-345 теңгеге сатылып жатыр.

Айта кетейік, 2015 жылы доллар бағамының тарихи антирекорды 21 желтоқсанда орнаған болатын. Ол кезде бір доллар 349,12 теңгеге бағаланды. Келесі күні Ұлттық банкте баспасөз мәслихаты өтіп, бағам тұрақтанды. Алайда біраз уақыттан кейін шетел валютасы қайта қымбаттай бастады.

Дереккөз: tengrinews.kz

5 қаңтар 2016, 10:52

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.