Казкоммерцбанктің бақылау пакеті Кеңес Рақышевтың қолына өтті

1 487 просмотра

Казкоммерцбанк Кеңес Рақышевтің банк акцияларының ең ірі иесі атанғанын хабарлады.

Казкоммерцбанк таратқан баспасөз мәлімдемесінде Рақышевтің Казкоммерцбанктің жай акцияларының 28,08 пайызы тиесілі Alnar Capital Holding компаниясын сатып алғаны туралы жарияланды.

Казкоммерцбанктің айналымға шығарылған акцияларының Рақышевтің иелігіндегі үлесі 56,75 пайызға жетті. Тамыз айында Казкоммерцбанктің директорлар кеңесінің бұрынғы төрағасы Нұржан Сұбханбердин өзіне тиесілі банктің қарапайым акцияларының 2,82 пайызын «БТА банкпен бірігу аясында» банктің өзге ірі акционері Кеңес Рақышевке сатқан болатын.

2013жылы Рақышев 2009 жылдың ақпанына дейін Қазақстан билігін сынаушы Мұхтар Әблязовқа тиесілі болған БТА банкінің директорлар кеңесінің төрағасы боп тағайындалды. Мұхтар Әблязов қазір Франция түрмесінде отыр. Сот шешімімен ол Ресей тарабына берілуі мүмкін, Әблязовтың өзі қылмыстық айыптауларды оппозициялық белсенділігі үшін Қазақстан билігінің өзінен кек алуы деп санайды.

Дереккөз: abai.kz

30 желтоқсан 2015, 15:54

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.