2016 жылы Норвегия Астанадағы елшілігін жабады

Фото: cso-central.asiaАлматы. 7 желтоқсан. ҚазТАГ – 2016 жылы Норвегия Астанадағы елшілігін жабады, делінген Норвегия үкіметінің ресми сайтындағы хабарында.

«Келесі жылы сыртқы істер министрлігі Норвегияның шетелдегі дипломатиялық миссияларының жұмысына бірқатар өзгерістер енгізеді. Аcтанадағы (Қазақстан), Софиядағы (Болгария), Лусакадағы (Замбия) және Харардағы (Зимбабве) елшіліктер жабылады. Гаити мен Оңтүстік Үндістандағы дипломатиялық миссиялар күшейтіледі», - делінген хабарда.

Бұл ретте елшіліктер жабылатын елдермен байланыс «басқа арналар арқылы жүзеге асырылатыны» айтылған.

Дереккөз: ҚазТАГ