Семейде өзін өртеген жігіт қайтыс болды

2 440 просмотра

Семейде сүйіктісімен ұрсысып қалғаннан кейін өзін өртеген жігіт қайтыс болды, - деп хабарлайды Tengrinews.kz тілшісі.

25 жастағы жігіт 11 қараша күні кешке өзін өртеп жіберді. Алдын ала мәлімет бойынша, жігіт сүйіктісімен сөзге келіп қалып, үйінің ауласында үстіне бензин құйып, моншаға кіріп, есігін құлыптап алып, өзін өртеген. Осыдан кейін ол есікті ашып, моншаның кіреберісіне құлаған. Ол ауруханаға жеткізілді. Жігіт ІІ және ІІІ дәрежелі беттің, мойынның, кеуденің, қолдың және аяқтың термиялық күйігін алды, тері беткі қабатының 80 пайызы күйіп қалған. Аурухананың жансақтау бөліміндегілер оның 13 қарашаға қараған күні көз жұмғанын хабарлады.

Қалалық ІІБ мәліметінше, бұл дерек өзіне қол салу әрекеті бойынша тіркелді. Қылмыстық нышандар құрамы болмағандықтан бұл іс тергелмейді.

Еске сала кетейік, осыған ұқсас оқиға Көкшетауда болды. Ол кезде 20 жастағы жігіт азаматтық некедегі әйелімен жанжалдасып, өзін-өзі өртеді. Жігіттің денесінің 97 пайызы күйіп қалған. Ол 3 қараша күні сағат 15.20-да ауруханада көз жұмды.

Дереккөз: tengrinews.kz

13 қараша 2015, 16:20

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.