Британдық инвесторлар газ құбыры құрылысын қаржыландырады

Астаналықтар көгілдір отынға қарық болмақ. «ҚазТрансГаз» компаниясы британдық корпорациямен газ тарту жобасын қаржыландыру жөнінде келісімге қол жеткізді.

Құжатта 4 газ құбырына тиесілі электр станцияларын салу қарастырылған. Нәтижесінде тек елорда ғана емес, Қарағанды, Теміртау және Жезқазған шаһарлары да көгілдір отынмен қамтылмақ. Әр турбинаның қуаттылығы – 400 мегаватт. Жоба құны 3 млрд доллардан асады. Меморандумға қол қою барысында «ҚазТрансГаз» басшысы аталмыш істер Елбасы тапсырмасы бойынша жүзеге асып жатқандығын жеткізді. Ең үнемді нұсқаны таңдаған мамандар болашақта тарифтің төмен болатынын айтып отыр.

Дереккөз: 24.kz