Қазақстан азаматтары болашақта негізінен ұшақтармен қатынайтын болады - Qazaq Air

АСТАНА. ҚазАқпарат - Қазақстанда әуежолдары арқылы қатынайтын xалық саны жыл санап артатын болады. Бұл туралы бүгін Орталық коммуникациялар қызметінде өткен баспасөз мәслиxатында «Qazaq Air» компаниясы басқарма төрағасының қызметін атқарушы Блэр Поллок мәлім етті.

«Қазақстанда қалааралық қатынаудың тек 43 пайызы әуе ұшуларға тиесілі. 57 пайызы жердегі көлікпен атқарылады. 43 пайыз - өте төмен көрсеткіш. Дамыған елдерде оның үлесі әлдеқайда жоғары», - дейді Б. Поллок.

Оның айтуынша, болашақта қазақстандықтар жердегі көліктен гөрі, әуе арқылы қатынауды жиі жөн көретін болады.

«Жақын бес жылда Қазақстанда әуе көліктеріндегі жолаушылардың саны жыл сайын 7 пайызға артып отырады деген болжам бар. Біздің жоспар бойынша, болашақта қазақстандықтар жердегі көлікке қарағанда, негізінен әуе көліктері арқылы қатынайтын болады», - деп атап өтті Б. Поллок.

Qazaq Air компаниясы аймақтық компания болып табылады және қазіргі уақытта тек Қазақстанның ішкі рейстерін дамытуды көздеуде.

Дереккөз/фото: inform.kz